రాపూరు, అక్టోబర్ 3: నెల్లూరు జిల్లా రాపూరు మండలంలో సమాచార హక్కు చట్టం–2005 కింద దాఖలైన దరఖాస్తులకు నిర్ణీత గడువులో సమాధానాలు అందకపోవడం, ప్రభుత్వ మరియు DKT పట్టా భూములకు సంబంధించిన ఫిర్యాదులపై తగిన చర్యలు తీసుకోలేదన్న ఆరోపణలపై ఉన్నతాధికారులు సమగ్ర విచారణ చేపట్టాలని Human Rights Protection Council of National అధ్యక్షుడు కోరారు.
2024 నుంచి రాపూరు మండలంలో ప్రజా ప్రయోజనాలకు సంబంధించిన పలు అంశాలపై RTI దరఖాస్తులు, అప్పీలు దాఖలయ్యాయని తెలిపారు. 2026 ఏప్రిల్ 4న బైహ్యాండ్ ద్వారా సమర్పించిన తన RTI దరఖాస్తుకు ఇప్పటివరకు సమాధానం అందలేదని పేర్కొన్నారు. అలాగే ప్రభుత్వ భూముల ఆక్రమణలకు సంబంధించి సుమారు 48 మంది పేర్లతో కోరిన సమాచారానికి కూడా స్పష్టమైన సమాధానం రాలేదన్నారు.
జోరేపల్లి ప్రాంతంలోని DKT పట్టా భూమికి సంబంధించిన రెవెన్యూ రికార్డులు, బదిలీ వివరాలు, హక్కులను పరిశీలించాలని కోరారు. గరిమైనపెంట ప్రాంతంలో సుమారు 2,000 ఎకరాల ప్రభుత్వ భూమి ఆక్రమణకు గురైందనే ఆరోపణలను అధికారిక రికార్డులు, భూ సర్వే ద్వారా నిర్ధారించాలని విజ్ఞప్తి చేశారు.
RTI దరఖాస్తుదారులపై ఒత్తిడి లేదా వేధింపుల ఆరోపణలు ఉంటే వాటిపైనా స్వతంత్ర విచారణ జరపాలని కోరారు. విచారణలో ఆరోపణలు నిజమని తేలితే చట్టప్రకారం చర్యలు తీసుకుని, ఫలితాలను ఫిర్యాదుదారులకు లిఖితపూర్వకంగా తెలియజేయాలని డిమాండ్ చేశారు.