34 శాతం బీసీ రిజర్వేషన్లపై ఏపీ హైకోర్టు కీలక తీర్పు!

స్థానిక సంస్థల ఎన్నికల్లో 34% బీసీ రిజర్వేషన్లకు సంబంధించిన ప్రభుత్వ జీవోలు కొట్టివేత

అమరావతి: ఆంధ్రప్రదేశ్‌లో స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పిస్తూ రాష్ట్ర ప్రభుత్వం జారీ చేసిన జీవోలపై ఏపీ హైకోర్టు కీలక తీర్పు వెలువరించినట్లు సమాచారం.

బీసీలకు 34 శాతం రిజర్వేషన్లు కల్పించడం వల్ల ఎస్సీ, ఎస్టీ, బీసీలకు కలిపి మొత్తం రిజర్వేషన్లు 50 శాతం పరిమితిని దాటే అవకాశం ఉందన్న అంశంపై హైకోర్టులో పిటిషన్ దాఖలైంది. ఈ వ్యవహారంపై సెప్టెంబర్‌లో వాదనలు పూర్తయిన అనంతరం ధర్మాసనం తీర్పును రిజర్వ్ చేసింది.

గతంలో ఏపీ స్థానిక సంస్థల రిజర్వేషన్ల విషయంలో మొత్తం నిలువు రిజర్వేషన్లు 50 శాతానికి మించకూడదని హైకోర్టు స్పష్టం చేసిన తీర్పు ఉంది. 59.85 శాతం రిజర్వేషన్లు కల్పించిన అప్పటి ప్రభుత్వ ఉత్తర్వులను కూడా కోర్టు రద్దు చేసింది.

తాజా తీర్పు ప్రభావం

• బీసీలకు 34% రిజర్వేషన్లపై ప్రభుత్వం జారీ చేసిన జీవోలపై న్యాయపరమైన సమస్యలు.
• ఎస్సీ, ఎస్టీ, బీసీలకు కలిపి రిజర్వేషన్ల పరిమితిపై కోర్టు దృష్టి.
• స్థానిక సంస్థల ఎన్నికల రిజర్వేషన్ల ఖరారుపై ప్రభావం పడే అవకాశం.
• ఎన్నికల నోటిఫికేషన్ ప్రక్రియపై కూడా ఈ తీర్పు ప్రాధాన్యత సంతరించుకుంది.

G.o copy