దొరవారిసత్రం మండలంలో MPTC, ZPTC ఎన్నికల పోలింగ్‌కు ఓటర్ల ఉత్సాహం
సత్యవేలుగు న్యూస్, దొరవారిసత్రం :
తిరుపతి జిల్లా, దొరవారిసత్రం మండలంలోని యేకొల్లు సెగ్మెంట్ పరిధిలో గల యేకొల్లు గ్రామంతో పాటు ఇతర పోలింగ్ కేంద్రాల్లో MPTC, ZPTC ఎన్నికల పోలింగ్ ప్రక్రియ కొనసాగుతోంది.
ఓటర్లు ఉదయం నుంచే పోలింగ్ కేంద్రాలకు చేరుకుని తమ ఓటు హక్కును వినియోగించుకుంటున్నారు. మహిళలు, పురుషులు, వృద్ధులు తమ ఓటు హక్కును వినియోగించుకునేందుకు ఆసక్తి చూపుతున్నారు.
పోలింగ్ కేంద్రాల వద్ద ఎన్నికల సిబ్బంది ఓటర్ల గుర్తింపు కార్డులను పరిశీలించి, ఎన్నికల నిబంధనల ప్రకారం ఓటింగ్ ప్రక్రియను నిర్వహిస్తున్నారు. ఓటర్లు క్యూలైన్లలో నిలబడి క్రమశిక్షణతో తమ ఓటును నమోదు చేస్తున్నారు.
ఎలాంటి అవాంఛనీయ సంఘటనలు చోటుచేసుకోకుండా అధికారులు పర్యవేక్షణ చేపట్టారు. మండలంలోని అన్ని పోలింగ్ కేంద్రాల్లో ప్రశాంత వాతావరణంలో ఎన్నికల ప్రక్రియ కొనసాగుతున్నట్లు సమాచారం.
ప్రజాస్వామ్య పరిరక్షణలో ప్రతి ఓటు విలువైనదే – ఓటు హక్కును వినియోగించుకోవడం ప్రతి పౌరుడి బాధ్యత.