నాయుడుపేట, సెప్టెంబర్ 24 (సత్య వెలుగు NEWS):
చారిత్రక నేపథ్యం ఉన్న నాయుడుపేట మున్సిపాలిటీలో పట్టణ అభివృద్ధి, మౌలిక వసతులు, మున్సిపల్ ఆస్తుల పరిరక్షణపై పలు ప్రశ్నలు తలెత్తుతున్నాయి. రోడ్లు, డ్రైనేజీ కాలువలు అధ్వానంగా ఉన్నాయని స్థానికులు ఆవేదన వ్యక్తం చేస్తున్నారు.
ప్రజా సౌకర్యాల కోసం గతంలో ఏర్పాటు చేసిన సులభ్ కాంప్లెక్స్‌లు, పారిశుద్ధ్య కార్మికుల కాలనీ స్థలాలు, క్లాక్ టవర్ ప్రాంతంలోని మున్సిపల్ ఆస్తులు ప్రస్తుతం ఏ స్థితిలో ఉన్నాయనే దానిపై స్పష్టత ఇవ్వాలని ప్రజలు కోరుతున్నారు.
అలాగే డ్రైనేజీ పనులు, తాగునీటి ప్రాజెక్టులు, బ్లీచింగ్, రోడ్లు తదితరాలకు కేటాయించిన నిధుల వినియోగంపై పారదర్శకత అవసరమని స్థానికులు అంటున్నారు. అక్రమ లేఅవుట్లు, మున్సిపల్ స్థలాల ఆక్రమణలపై కూడా చర్యలు తీసుకోవాలని డిమాండ్ చేస్తున్నారు.
మున్సిపల్ ఆస్తులు, పాత ప్రజా సౌకర్యాల స్థలాలు, అభివృద్ధి నిధుల వినియోగంపై ఉన్న ఆరోపణలపై ఉన్నతాధికారులు సమగ్ర విచారణ జరిపి వాస్తవాలను ప్రజల ముందు ఉంచాలని నాయుడుపేట ప్రజలు కోరుతున్నారు.
