నాయుడుపేట | సత్య వెలుగు న్యూస్:నాయుడుపేట మున్సిపాలిటీలోని మూడో వార్డులో వైఎస్సార్ కాంగ్రెస్ పార్టీ (వైఎస్సార్‌సీపీ) అభ్యర్థి పాలేటి నాగార్జున ఎన్నికల ప్రచారాన్ని ప్రారంభించారు. ముందుగా వార్డు గ్రామదేవత శ్రీ పరమేశ్వరి అమ్మవారికి ప్రత్యేక పూజలు నిర్వహించి, అమ్మవారి ఆశీస్సులు తీసుకున్న అనంతరం ప్రచారానికి శ్రీకారం చుట్టారు.
ఈ సందర్భంగా పాలేటి నాగార్జున వార్డులోని ప్రజలను కలుసుకుంటూ తనకు మద్దతు తెలిపి ఆశీర్వదించాలని కోరారు. ప్రజల సమస్యలను తెలుసుకుంటూ, వార్డులో మౌలిక సదుపాయాల అభివృద్ధికి కృషి చేస్తానని తెలిపారు. ప్రజలకు ఎల్లప్పుడూ అందుబాటులో ఉంటూ వారి సమస్యల పరిష్కారానికి ప్రాధాన్యత ఇస్తానని పేర్కొన్నారు.
శ్రీ పరమేశ్వరి అమ్మవారి ఆశీస్సులతో ప్రారంభమైన ప్రచార కార్యక్రమంలో అభ్యర్థి స్థానిక ప్రజలను కలుసుకుంటూ ముందుకు సాగారు. మూడో వార్డులో ఎన్నికల ప్రచారం ప్రారంభం కావడంతో స్థానికంగా రాజకీయ సందడి నెలకొంది.
