సత్య వెలుగు న్యూస్,అక్టోబర్ 8: భారత ప్రభుత్వం Registration of Births and Deaths (Amendment) Act, 2026ను అమల్లోకి తీసుకువచ్చింది. గృహ మంత్రిత్వ శాఖ పరిధిలోని Office of the Registrar General, India 2026 సెప్టెంబర్ 16న నోటిఫికేషన్ జారీ చేసి, 2026 అక్టోబర్ 1ను అమలు తేదీగా నిర్ణయించింది.
ముఖ్యంగా మారిన Section 13 నిబంధనలు
1. జననం/మరణం జరిగిన 30 రోజుల్లోపు
సాధారణ గడువులో నమోదు చేయాలి. ఆలస్యమైతే వర్తించే late fee నిబంధనలు ఉంటాయి.
2. 30 రోజులు దాటి 1 సంవత్సరం లోపు
District Registrar లేదా సంబంధిత prescribed authority నుంచి లిఖితపూర్వక అనుమతి, నిర్దేశిత రుసుము మరియు అవసరమైన పత్రాలతో నమోదు చేయాలి. ఈ భాగం 2023 సవరణలోనే ఉంది.
3. 1 సంవత్సరం దాటి 2 సంవత్సరాల లోపు
ఇది 2026 సవరణలో కీలకమైన మార్పు.
జననం లేదా మరణం జరిగిన 1 సంవత్సరం తర్వాత కానీ 2 సంవత్సరాల లోపు సమాచారం ఇస్తే, సంబంధిత ప్రాంతానికి అధికార పరిధి ఉన్న:
- District Magistrate (DM), లేదా
- Sub-Divisional Magistrate (SDM), లేదా
- DM అధికారం ఇచ్చిన Executive Magistrate
ఉత్తర్వుల ఆధారంగా మాత్రమే నమోదు చేయాలి. జననం/మరణం వివరాల సరిదిద్దుబాటు/నిజానిజాల పరిశీలన అనంతరం, నిర్దేశిత ఫీజు చెల్లించి నమోదు జరుగుతుంది.
4. 2 సంవత్సరాలు దాటిన తర్వాత
జననం లేదా మరణం జరిగిన 2 సంవత్సరాలు పూర్తయిన తర్వాత, నమోదు చేయడానికి సంబంధిత పరిధి కలిగిన Judicial Magistrate of the First Class (JMFC) కోర్టు ఉత్తర్వు తప్పనిసరి. కోర్టు వివరాల సరైనదనాన్ని పరిశీలించిన తర్వాత, నిర్దేశిత ఫీజుతో నమోదు చేయవచ్చు.
అధికారులకు ముఖ్య సూచన
ఈ మార్పుల నేపథ్యంలో రిజిస్ట్రార్లు, రెవెన్యూ అధికారులు, VROలు, డిజిటల్ అసిస్టెంట్లు తదితర సంబంధిత సిబ్బంది ఆలస్యమైన జనన–మరణాల నమోదుకు వర్తించే అధికారం, పత్రాలు మరియు కోర్టు/మేజిస్ట్రేట్ ఉత్తర్వుల విషయంలో ప్రజలకు సరైన సమాచారం అందించడం ముఖ్యమైనది.
