విజయవాడ, సత్య వెలుగు న్యూస్:విజయవాడ మున్సిపల్ కార్పొరేషన్ ఎన్నికల నేపథ్యంలో 45వ డివిజన్‌లో సీపీఐ అభ్యర్థి శ్రీమతి బెవర ఇందిర పార్టీ నాయకులు, కార్యకర్తలతో కలిసి ఎన్నికల ప్రచారాన్ని నిర్వహించారు. డివిజన్‌లోని వివిధ ప్రాంతాల్లో పర్యటిస్తూ స్థానిక ప్రజలను నేరుగా కలుసుకుని, వారు ఎదుర్కొంటున్న సమస్యలను అడిగి తెలుసుకున్నారు.
ఈ సందర్భంగా ప్రజల దైనందిన జీవితంలో ఎదురవుతున్న ఇబ్బందులు, మౌలిక సదుపాయాల కొరత, స్థానికంగా పరిష్కరించాల్సిన సమస్యలపై క్షేత్రస్థాయిలో వివరాలు సేకరించారు. ప్రజల సమస్యలను తెలుసుకుని వాటి పరిష్కారానికి కృషి చేయడమే లక్ష్యంగా ప్రచారాన్ని కొనసాగించారు.
ప్రచారంలో భాగంగా వాగు సెంటర్‌లో ఆర్‌ఎంపీ వైద్యులు డాక్టర్ దుర్గారావును, సెయింట్ థామస్ హైస్కూల్ అధినేత డేవిడ్ రాజును బెవర ఇందిర కలిసి స్థానిక పరిస్థితులు, ప్రజలు ఎదుర్కొంటున్న ఇబ్బందులపై చర్చించారు. సమస్యలను ప్రత్యక్షంగా తెలుసుకుని, వాటి పరిష్కారానికి అవసరమైన చర్యలపై అభిప్రాయాలను తెలుసుకున్నారు.
ఈ కార్యక్రమంలో 45వ డివిజన్ మాజీ కార్పొరేటర్ డీవీ రమణబాబు, డివిజన్ కార్యదర్శి కరోతి వెంకటేశ్వరరావు, సహాయ కార్యదర్శి బెవర శ్రీనివాసరావు, కోశాధికారి ఎస్‌వీ రమణ, మహిళా నాయకురాలు చింతల పార్వతి, కొరికాన నీలం నాయుడు, తొత్తడి స్వామి నాయుడు, మండపాక శ్రీను, కునుగంటి సత్యనారాయణ, బోళ్ళ వెంకటస్వామి తదితర సీపీఐ నాయకులు, కార్యకర్తలు పాల్గొన్నారు.
ప్రజల వద్దకు వెళ్లి వారి సమస్యలను తెలుసుకోవడం, క్షేత్రస్థాయిలో పరిస్థితులను పరిశీలించడం, స్థానిక సమస్యలను సంబంధిత వర్గాల దృష్టికి తీసుకెళ్లడం లక్ష్యంగా ఈ ఎన్నికల ప్రచార కార్యక్రమం కొనసాగింది.
