మన శరీరంలో పేగులు చాలా ముఖ్యమైన అవయవం. ఇవి కేవలం ఆహారాన్ని జీర్ణం చేయడంలోనే కాదు, శరీర రోగనిరోధక శక్తిని పెంచడంలో కూడా కీలక పాత్ర పోషిస్తాయి. నిపుణుల ప్రకారం మన శరీరంలోని రోగనిరోధక శక్తిలో సుమారు 70 శాతం వరకు పేగుల్లోనే ఉంటుంది. అందుకే పేగులను ఆరోగ్యంగా ఉంచుకోవడం చాలా అవసరం.
అయితే ప్రస్తుతం చాలామంది అనారోగ్యకరమైన ఆహారపు అలవాట్లు, ఒత్తిడి, ఫాస్ట్ ఫుడ్ ఎక్కువగా తీసుకోవడం వంటివి పేగు ఆరోగ్యాన్ని దెబ్బతీస్తున్నాయి. అందుకే సరైన ఆహారం తీసుకోవడం చాలా ముఖ్యం అని నిపుణులు సూచిస్తున్నారు.
బెంగళూరులోని ఆస్టర్ ఆర్వి హాస్పిటల్కు చెందిన క్లినికల్ న్యూట్రిషనిస్ట్ అదితి ప్రసాద్ ఆప్టే ప్రకారం, పేగుల్లో మంచి బ్యాక్టీరియా పెరగడానికి ప్రోబయోటిక్స్, ప్రిబయోటిక్స్, ఫైబర్ ఎక్కువగా ఉండే ఆహారం తీసుకోవాలి.
పేగు ఆరోగ్యానికి ఉపయోగపడే ఆహారాలు
1.పెరుగు (Curd)
పెరుగు ఒక సహజ ప్రోబయోటిక్ ఫుడ్. ఇందులో ఉండే మంచి బ్యాక్టీరియా పేగులలోని సూక్ష్మజీవుల సమతుల్యతను కాపాడుతుంది. దీని వల్ల జీర్ణక్రియ మెరుగుపడుతుంది.
2. పచ్చి అరటిపండ్లు
పచ్చి అరటిలో ఉండే ప్రిబయోటిక్ ఫైబర్ పేగుల్లో మంచి బ్యాక్టీరియా పెరగడానికి సహాయపడుతుంది. ఇది జీర్ణవ్యవస్థను బలపరుస్తుంది.
3. ఓట్స్ మరియు గోధుమలు
ఇవి ఫైబర్ ఎక్కువగా కలిగిన ఆహారాలు. ఇవి పేగుల పనితీరును మెరుగుపరచి మలబద్ధకాన్ని తగ్గిస్తాయి.
4. ఆకుకూరలు
పాలకూర, మెంతికూర వంటి ఆకుకూరల్లో విటమిన్లు, ఫైబర్ అధికంగా ఉంటాయి. ఇవి పేగులను శుభ్రంగా ఉంచడంలో సహాయపడతాయి.
5. పులియబెట్టిన ఆహారాలు
ఇడ్లీ, దోసె వంటి ఫెర్మెంటెడ్ ఫుడ్స్ పేగుల ఆరోగ్యానికి మంచివి. ఇవి మంచి బ్యాక్టీరియాను పెంచుతాయి.
పేగు ఆరోగ్యం ఎందుకు ముఖ్యము?
- జీర్ణక్రియ బాగా జరుగుతుంది
•రోగనిరోధక శక్తి పెరుగుతుంది
•శరీరానికి శక్తి లభిస్తుంది
•మలబద్ధకం, గ్యాస్ సమస్యలు తగ్గుతాయి
నిపుణుల సూచనలు
•ప్రతిరోజూ ఫైబర్ ఎక్కువగా ఉన్న ఆహారం తీసుకోవాలి
•ఫాస్ట్ ఫుడ్ తగ్గించాలి
•తగినంత నీరు తాగాలి
•ఒత్తిడిని తగ్గించుకోవాలి
- పేగుల్లో మంచి బ్యాక్టీరియా ఉండటం ఆరోగ్యకరమైన జీవనానికి చాలా అవసరం. సరైన ఆహారం తీసుకుంటే జీర్ణక్రియ మెరుగుపడి మొత్తం శరీరం ఆరోగ్యంగా ఉంటుంది.
