నాయుడుపేట,నవంబర్ 5,సత్య వెలుగు న్యూస్: నాయుడుపేట మున్సిపల్ చైర్‌పర్సన్‌గా విజయం సాధించిన తంబిరెడ్డి రాజేశ్వరమ్మ, ఆమె భర్త జనార్దన్ రెడ్డి దంపతులను వైఎస్సార్ కాంగ్రెస్ పార్టీ మహిళా నాయకులు గురువారం మర్యాదపూర్వకంగా కలిసి ఘనంగా సన్మానించి శుభాకాంక్షలు తెలిపారు.
ఈ సందర్భంగా రాజేశ్వరమ్మ దంపతులకు పూలమాలలు వేసి, పుష్పగుచ్ఛం అందజేసి అభినందనలు తెలియజేశారు.
ఈ కార్యక్రమంలో మాజీ మండల అధ్యక్షురాలు కురుగొండ ధనలక్ష్మి, నాయుడుపేట మున్సిపల్ మాజీ చైర్‌పర్సన్ కటకం దీపిక, వైఎస్సార్ కాంగ్రెస్ పార్టీ మహిళా విభాగం నియోజకవర్గ అధ్యక్షురాలు రత్నశ్రీ తదితర మహిళా నాయకులు పాల్గొన్నారు.
మున్సిపల్ ఎన్నికల్లో వైఎస్సార్ కాంగ్రెస్ పార్టీ తరఫున చైర్‌పర్సన్ అభ్యర్థిగా పోటీ చేసి విజయం సాధించిన తంబిరెడ్డి రాజేశ్వరమ్మకు మహిళా నేతలు అభినందనలు తెలియజేస్తూ, ఆమె పదవీకాలంలో నాయుడుపేట పట్టణ అభివృద్ధికి, ప్రజా సమస్యల పరిష్కారానికి అంకితభావంతో కృషి చేయాలని ఆకాంక్షించారు.
ఈ సందర్భంగా దంపతులకు మరోసారి శుభాకాంక్షలు తెలియజేశారు.
